Bookmark and Share

الأحد، يناير 27، 2013

مصر عجزت

مصر عجزت
شاخت و بوزت
و وشها كرمش
و سنانها أهى وقعت 
مبقتش بتقرمش
و نكتها أهى باخت
قدمت كده و شاخت
معدتش بتفرفش
و ولادها عقوها
سبوها و رموها 
تعبت ما علجوها
و قالوا دى ماتت
واتخانقوا عالميراث
و اتقسموا فريقين
وقفوا قصاد بعضهم
و قالو مش لاعبين
يا نكوش على كله
يا ندغدغ الباقيين
و مصر أهى عايشه
ممتش و لا حاجه
عمر السنين و الزمن
ميموت الأوطان
و مصر مش هتموت
بكلام ربنا المعبود
لكن يموت فيها
ولاد كتير ليها
و هى مالحسره
تمرض كمان و كمان
                                                     إيهاب أحمد عرابى