مصر عجزت
شاخت و بوزت
و وشها كرمش
و سنانها أهى وقعت
مبقتش بتقرمش
و نكتها أهى باخت
قدمت كده و شاخت
معدتش بتفرفش
و ولادها عقوها
سبوها و رموها
تعبت ما علجوها
و قالوا دى ماتت
واتخانقوا عالميراث
و اتقسموا فريقين
وقفوا قصاد بعضهم
و قالو مش لاعبين
يا نكوش على كله
يا ندغدغ الباقيين
و مصر أهى عايشه
ممتش و لا حاجه
عمر السنين و الزمن
ميموت الأوطان
و مصر مش هتموت
بكلام ربنا المعبود
لكن يموت فيها
ولاد كتير ليها
و هى مالحسره
تمرض كمان و كمان
إيهاب أحمد عرابى
المشاركات
هناك تعليق واحد:
جميلة وكلماتها سهلة وبسيطة لكن معانيها عميقة
إرسال تعليق